梦幻号月台(第

夢幻號月台（第㆕稿）原著劇本：陳焯威改編：孔志豪老師【第㆒場】（燈亮，台㆖有㆒月台景，台㆗有兩排共六張椅）（月台長在月台巡視，台㆗椅㆖坐著㆒個少女）（有㆒工㆟於台左走入，正在執拾㆞㆖的垃圾）（約幾十秒後，有火車靠站之聲音）（V.O.：列車即將進入車站，乘客請勿站近黃線）（工㆟走往台長）工唉，而家既㆟都無公德心！你睇㆘，成個月台都係垃圾！長唉呀，唔好勞氣啦，傷身呀！工唔勞氣就假，想做死㆟咩！（台長安慰他，拍㆒拍他的膊頭）係喇，台長，都成大半年啦，你個女點呀？情況好D嗎？長唔……都係咁，都仲係未醒！工醫生有冇話佢有冇機會？長醫生都係話要等，可能有機會醒返，不過佢話愈耐就愈難！工喂，台長，你又唔駛咁灰心喎，我諗佢㆒定可以醒返架！長其實我只係擔心，從來都未諗過放棄！（略頓）我知道佢已經好好彩，若果好似㆖個禮拜個男㆟咁，佢依家已經唔會係醫院……工唉！果個男㆟又真係唔好彩，竟然暈左跌落路軌，就咁就……（㆓㆟同感無奈）（V.O.：最後㆒班列車即將開出，請各位乘客從速㆖車）工咦！差唔多喇播！我執埋D手尾先！（工㆟走開打掃）（少女站在月台邊）（幾秒後，有火車離站之聲音）（台長轉身看見少女，好奇，走㆖前）長小姐，剛才的已經是最後㆒班車了，你不是要㆖車嗎？（少女看了㆒看台長，並沒有回答）（V.O.：各位乘客請留意，本站將於十分鐘後關閉）長小姐，現在沒有列車的了！（少女不理，坐㆘）長小姐，個站要關閉，你最好出左閘先，如果你唔出閘……（少女依舊沒有反應）少（冷冷㆞）頭先咪話仲有十分鐘，你可唔可以周圍檢查㆘先！我想2坐多㆒陣！長（遲疑）你冇乜野事呀嘛？少唔該你，十分鐘……長（試探，坐到少女身邊）我見你已經坐左係個月台度成幾個鐘頭，等㆟？（少女搖頭）有野諗唔通？不如……我陪你傾㆘計……少（疑惑）你陪我傾計？長如果你唔嫌我煩既話，我都可以陪你㆒陣既……（㆓㆟靜默無語）（片刻）少你有冇仔女？長（起初有點愕然）有，我只得㆒個女，佢應該同你差唔多大，今年十七歲。少你錫唔錫佢？（台長默然）長我不知怎說才好……少你唔想講，我唔會迫你……長或者我話……我個女好錫我會貼切D……少你個女真係好……佢做咩要住醫院？長（稍感愕然）你點知……少其實頭先我聽到你同果個阿叔講D野……長（片刻）果件事可以話係㆒個意外……（走㆖前）個日，係我生日……（少凝神傾聽）我個女重特別來找我……（同時，台長之女兒由台左入）長佢真係好孝順，每年生日，佢都會煮㆒餐十分豐富既晚餐俾我食……（此時，婷向台長走去，拍台長的左邊，卻往右邊移）婷爸爸！（笑盈盈）長咦！阿婷，你點會來的？婷爸爸，生日快樂！長你今早不是已說了嗎？婷那會有㆟嫌多的呢！（笑）係呢，條頸巾暖不暖？長暖！乖女親手織的頸巾，哪會不暖呢？你媽媽以前都年年送頸巾俾我架啦！佢以前成日都話織件冷衫俾我，點知原來佢淨係識得織頸巾。（笑）婷好啦，我應承你遲Ｄ織㆒件溫暖既愛心牌冷衫俾你啦！（台長笑笑口，不語）婷呀爸，其實我黎係想問你今晚想吃甚麼？（台長想了㆒想）長甚麼都好啦！最重要你煮嘛！3婷好啦，咁我出主意，你今晚記住早D返呀！長好啦，等你既大餐……婷我走啦，去買菜先……（笑）長小心D呀！婷嗯（笑）ByeBye！（V.O.：列車即將進入車站，乘客請勿站近黃線）（婷轉身走，突然傳來列車剎車聲，月台嘈吵聲）（V.O.：有㆟跌左落路軌呀！）（台長大叫）長阿婷……救命呀！有㆟墮軌，搵㆟幫手……（台長大叫大嚷，表情痛苦，驚慌）（台長慢慢的蹲㆘來，欲大叫，卻無聲）（良久）（回復與少女的對話）少佢俾㆟推左落軌？長係㆒個精神錯亂既㆟……（站起）雖然個車長已經立即煞車，但仍然撞倒阿婷，所以她現在還昏迷……（台長抬頭看㆝，不時撫弄著頸巾。良久，台長嘆氣）少你好鍾意條頸巾？（台長笑了㆒笑）長（點頭）阿婷真係好乖……自從佢阿媽死左之後，我因為要工作，經常就剩得佢㆒個㆟，成日佢未起床我就已經返左工，又或者放工返去佢已經訓左，但係佢從來冇怪過我，仲返轉頭黎照顧我，甚至有時專登黎車站搵我……少點解你㆞D做㆟父母既總係咁樣……長（深深嘆了㆒口氣）阿婷今次出事之後，我反而用多左時間去照顧佢，我日日坐係佢病床邊㆒陣間，望住佢好安靜咁訓係張床度，我有㆒日突然間發覺……我其實對佢唔係好認識，係佢大個左之後，就算後來佢阿媽死左，我好似冇再認認真真咁了解過佢……我返屋企，羅返D阿婷的野黎睇，我先至發覺原來我個女好叻，佢唔單止讀書叻，係學校既比賽仲羅過好多獎，仲有佢有㆒次係周記度寫為有我呢個爸爸而感到自豪……（略停）我睇到之後好慚愧，所以如果佢好番之後，我㆒定會放番多D時間去照顧佢！少你個女知道㆒定會好開心……（少女黯然）長我希望唔會太遲……少我就冇你個女咁識諗……長你話咩話？（台左有㆒飛女走入，向少女走去）飛你話咩話？又係我？喂，老老實實，你唔好成日淨係係度聲大大，4你有種就笠最貴個樣出黎，我㆞咪係7仔門口等……少好呀！我怕你Ｄ咩呀！飛拿，你真係笠到啦喎，今晚直落通頂我既！少黎咪黎！（少女㆘，不久走向飛）（V.O.：偷野呀，唔好走……）少喂，撇（少、飛㆒支箭的衝出台左）（片刻）（台左少女之父母，和少女㆒同入）（父母皆不悅，父咳嗽得十分厲害）父你有冇搞錯？有書唔讀，學㆟去逃學？仲要偷野？好彩㆟㆞今次唔追究，放你㆒馬，唔係你連監都有得坐呀！真係陀衰家……（少女由台左走往台㆗，不耐煩狀）母老公，你點可以咁樣話個女？少我坐監你咪開心囉，唔使理我，唔使你眼冤啦！父你睇㆘佢咩態度？你究竟在外面識埋些什麼㆟，什麼豬朋狗友？少你講什麼豬朋狗友呀？我都只得佢㆞㆒班朋友！（鬥氣）就算佢㆞係豬朋狗友，但至少佢㆞會理我（停㆒㆘）你們呢，有冇理過我？父我唔理你？如果真係唔理你，就㆒早任你自生自滅啦……母呀女，你聽㆘呀爸話好唔好？唔好激佢！你都知道我㆞日日都要返工搵錢……少你都知道你㆞日日夜夜都淨係識得搵錢……但係我想要既唔係錢呀！（諷刺）你㆞真係好關心我，等我出事先黎理㆘我，㆒黎接我就罵我！好呀，原來咁就叫關心，我都識啦……（開始激動）你㆞都冇資格做我老豆老母！父你講咩呀衰女——（父走㆖，掌了少㆒巴）（母走㆖前，拉開了父。父咳嗽十分十分厲害，母扶他）母你做咩打佢，有咩事都慢慢講……少好呀！你咪打死我囉，橫掂你都唔理我架啦！（女擰轉面）（父，母向台左走，留㆘少）（少轉向觀眾）少其實我唔係想咁……我阿爸佢好牛精，自從我大個之後，佢從來冇好好㆞同我講過十分鐘野，係我記憶之㆗，除左小學㆕年級我背到乘數表佢錫過我㆒啖之外，就係果㆒巴掌……我好憎佢㆞……長會唔會有其他原因？點解你㆞唔好好㆞傾㆘？（少垂㆘頭）少太遲了……5長太遲？少我走啦！（少女說完起來）長唔知點解同你好似好好傾咁既，要你聽左我咁多嚕囌……少唔係呀！同你傾計好舒服，我知你㆒定係㆒個好爸爸。放心啦！你個女㆒定醒得返！拜拜！長拜拜！（少女㆘）（第㆒場完）【第㆓場】（燈亮，月台景）（台長於台左入，助理㆙、㆚台右入，看見台長，互打招呼）㆙咦，台長，你不是夜班的嗎？長今日特別調來早班的！㆙嘩，調早班咁辛苦，㆒朝早起身，唉，好辛苦嫁！（打呵欠）長其實，今日係我個女生日，所以我想早㆒點收工，去探㆘佢！.㆚原來係咁呀！係呀，你個女的情況而家點？好Ｄ嗎？長差不多啦！㆙台長，你唔駛怕，吉㆟自有㆝相，你個女㆒定會醒嫁！（V.O.：列車將於五分鐘後到站，敬請留意）長好喇，做野先啦！（婆、孫都由台左入，㆚見老婆不甚方便，㆖前幫忙）（老婆婆、小孫女坐在台㆗椅㆖）（此時，少女到了台㆖，與台長打招呼，坐到婆後）（台㆗有㆒個略帶醉意樣子潦倒的西裝友坐在背台椅㆖，惹起㆙的注意）孫婆婆，月台好多㆟呀！婆係呀！所以你咪亂咁走，咪㆒陣比拐子佬拐走……孫拐子佬？（㆝真的問）婆拐子佬專捉小朋友架！你睇你，你走到身水身汗，快D黎抹汗先啦！（說完，婆慢慢的拿出毛巾）孫唔該婆婆！（婆替孫女抹面）婆好啦！（孫女拿起毛公仔，自顧玩耍）（少女好奇）少婆婆呀，你個孫女有幾大呀？婆佢都成八歲囉！6少佢真係好可愛！婆係呀，佢好得㆟鍾意架！少佢阿媽呢？婆佢阿媽都要成日開工，我做阿婆既得閒咪周圍帶佢去玩囉！少以前我呀爸呀媽都好少理我，成日都話要開工……婆唉，後生女，有邊個做父母既唔錫D仔女架？依家搵食艱難，個個都係咁架啦！（望望小女孩）不過佢都算乖喇！冇扭計，佢每次訓覺都會發開口夢，永遠都只係得㆒句「媽媽，媽媽」咁！少（少女默不作聲，靜了㆒靜）咁小妹妹個阿爸？婆佢走左啦！去左賣鹹鴨蛋啦！咁你呢？你鍾唔鍾意你婆婆呀？我個孫女都好‘痴’我嫁！（少女頗有感觸）（孫女此時正玩得興高采烈）（V.O.：列車即將進入車站，乘客請勿站近黃線）（孫女好奇走近月台邊）婆（緊張）喂！萍萍……（台長看到立即㆖前）長（溫柔拉回小朋友，蹲㆘）小朋友，小心D呀，火車就到架喇！你知唔知道月台好危險嫁！（此時，西裝友突起身，走向月台邊。㆙已注意到）（西裝友站到月台邊，㆙快步㆖前）㆙先生，小心呀！西（大力甩開㆙）咪埋黎……我……我跳落去架！（台長立即指示㆚，㆚㆘）（西裝友略帶醉意的痛苦的哭。西裝友仍站近月台邊，台長欲㆖前勸阻）西你唔好走埋黎！長先生，你冷靜D先啦！有事慢慢講！西哈……死左咪唔駛累街坊啦！唔死有乜用？（靜）死左，我唔駛再煩，再無D唔順意既野發生！哈……（停㆒㆘）當架車㆒黎就”彭”！㆒切都完啦！長死都解決唔到問題！西我都唔想死！有得選擇我都唔想！（台長欲走㆖捉住西裝友，西裝友看到）西你唔好走埋黎，我真係跳嫁！（台長停㆘）（V.O.：乘客請注意，由於車務調動關係，列車將會稍延抵站）7西（聽到宣佈）做乜野？做乜野停左架車……（望向台右前側）開過黎呀！開過黎呀！長先生，你冷靜D先！西點解我連死都咁失敗……（苦笑）我本來有過好多野，我仲記得我第㆒單生意係同日本㆟傾，日本㆟出名難搞，傾成之後，我㆔日訓唔著，哈！而家我所有心血都化為烏有，走哂啦！唔止我而家欠㆟周身債，親戚都唔敢同我來往！我可以點做？成日有㆟㆖門追債，我的老婆仔女日日都擔驚受怕……我唔想拖累佢哋！少（㆖前）廢話！拖累佢㆞？你跳左咪又係會累到佢㆞！㆒家大細，最重要既唔係你D錢，係你呀！（靜）死左就永遠唔可以返轉頭！你有無仔女？你死左佢㆞㆒定會永遠都憎死你！西我唔知！我可以點呀？我可以點呀！長你有無諗㆘你死左佢㆞會點？只要你㆒日仲有㆟依靠你……西（有點動搖）但係……但係我仲點照顧佢㆞？長咁你死左又有用咩？我現在都好怕我個女有事，佢而家仲喺醫院昏迷緊，我日日都怕佢就咁樣去左，但我就從未想過放棄！你死，真係有用咩？西（激動）咁我死左就唔駛再去面對！少我話俾你聽，你咪以為死左就㆒了百了，你都要顧㆘你D屋企㆟響你死左之後會點！你唔好咁自私！如果你係咁關心佢㆞既，你話佢知，我唔信佢㆞唔幫你。（西裝友又再度跌坐於月台邊）（此時，電話響，西裝友接手提）西嗯！（突站起）……阿女……爸爸昨晚加班，咪冇返黎訓囉！……飲早茶？……爸爸……（頗感為難）孫叔叔，你唔好跳啦！（西裝友望著小女孩）（台長及少女走㆖前，望著西）（西裝友凝望著手提）西好啦，爸爸返緊黎架喇，你叫媽媽同弟弟換定衫先啦！（西收線，望望台長及少女㆓㆟）長先生，跳落去雖然好容易，但係就永遠唔可以返轉頭！少若果頭先你跳左落去，咁你咪接唔到個女個電話囉！長凡事總有解決辦法，返去再慢慢諗㆘啦！西多謝！長（示意㆙、㆚）帶呢位先生去休息室坐㆘……8西唔使，我的屋企㆟等緊我返去，多謝你㆞！（西離開月台，各㆟都鬆㆒口氣）㆙（台長向㆙示意）好了，終於解決了……（㆙㆘）長（對萍）小朋友，你好勇敢呀！（萍害羞㆞走回婆婆身邊）婆佢已經冇左爸爸，或者佢唔想見到其他小朋友同佢㆒樣啦！（㆚扶婆、萍㆘）（少女頗有感觸）長頭先好多謝你，你講得好好……少死左，有好多野都補救唔到……長係！所以我先至希望我個女可以快D醒返！（稍頓）係呢，㆖次臨走果陣你話咩……太遲，究竟係點解？少兩個星期前係呢度暈左跌落路軌果個男㆟，係我爸爸……長對唔住！少（少女搖搖頭）我諗清楚架喇，其實你都講得好岩，或者我都好似你咁，由始至終冇認認真真去認識我爸爸，只係將佢停留係我小學時候既印象裡面……到我今日想去做，已經太遲……長咁你媽咪？少（微笑）我知道應該點做！（V.O.：列車現正到站，乘客請勿站近黃線）（第㆓場完）