年闽南语演说学生组指导讲纲

199年閩南語演說學生組指導講綱鄭安住壹、如何造就一位金牌選手？一、首要條件：發音正確、內容清新、台風穩健、笑臉迎人二、次要條件：外表秀麗、展現氣質、聲音清亮、臨場應變三、外在條件：名師指導、評審喜好、對手強弱、時來運轉貳、演講稿的準備一、寫稿時與學生專長、生活經驗相結合，將使演講更加生動而感人二、利用工具書（諺語典、華台對照典、辭典）、網路尋找相關資料三、大家都愛聽故事，時事、感人故事、溫馨小品平時建檔，分類整理參、演講稿的撰寫一、國小學生組：著重生活化，展現活潑、可愛的一面，不宜教條二、國中學生組：著重生活化，適時添加俗諺、事例，加個人省思三、高中學生組：結構完整、條理分明，多用俗諺、事例、加期盼四、撰稿切忌國語詞、國語語法、發音困難、少年老成、教條八股五、台灣念真情－唯有真實的體會才會讓人感動，不要虛構、誇大六、就事論事，不可預設立場、任意批評。要避免人身攻擊、歧視七、多發揚人生光明積極、有趣的一面，論點不宜太過偏激、消極八、以包容、體諒代替指摘、謾罵，以提供建議、分享來代替批評肆、背稿練習一、一定要讓學生充分瞭解到每一个字、詞、整篇文章的真實意涵二、演講稿一定要先用電腦打字存檔，如此可方便日後修正、更改三、指導老師完稿後，先逐字念一遍給學生聽，再由學生一一複誦四、遇到學生有發音不順、詞義難懂、甚難記憶的部分，先行刪除五、改寫尚未定稿時不宜背誦。背稿時先分段背誦，然後逐一合成六、發音正確，並尊重各地腔調、前後一致性；語音抑揚頓挫分明七、聲調忌高、速率勿快、切忌節奏化、嘗試練習生動活潑的語調八、儀態方面要充滿自信、著重氣勢、不宜誇張、配合內容作手勢2九、表情、手勢力求輕鬆自然，面部要有適時而適度的表情與笑容十、切忌雙手稍息在後、立正站好、手勢雜亂或固定動作、嚇裁判十一、找鏡子自行演練，觀察自己臉部表情、手勢、內容是否流暢十二、尋找不同之公開場合，將三篇內容逐一演練，藉以磨練膽識十三、將練習過程錄影、錄音，務必察覺出本身優缺點並改進缺失十四、觀賞全國賽優秀選手比賽光碟，從中學習他們的優點及內容伍、正式比賽一、提早到達比賽場地，先行練習走位，將三篇內容逐一演練一遍二、領取相關證件後，可先行喝水、上廁所，之後前往觀眾席就坐三、抽題前先行欣賞他人表演。一味猛背稿，只會給自己太大壓力四、工作人員揭牌通知抽題時，立即前往工作席。務必看清楚題號五、抽題後，將個人物品帶往預備席入座。拿出所抽題目文稿默唸六、輪到比賽號碼前兩號選手上台時，可坐在預備席先行演練一次七、輪到比賽號碼前一號選手上台時，要針對剛才之演練重作修正八、前一號選手第一聲鈴聲響起時，收拾個人物品並先喝點水潤喉九、默唸題目數次後，當工作人員報號時，起立、深呼吸穩定情緒十、上台從容、沿路放電、抬頭挺胸、步伐自然、放手一搏豁出去396969696年全國語文競賽閩南語演說國中學生組講評年全國語文競賽閩南語演說國中學生組講評年全國語文競賽閩南語演說國中學生組講評年全國語文競賽閩南語演說國中學生組講評鄭安住鄭安住鄭安住鄭安住人講：「講評毋是簡單代，相信逐家攏嘛知，認真來聽無敗害，後擺保你提金牌。」今仔日誠歡喜，看著每一个參賽同學表現攏真優秀。這幾年來，逐年程度攏有提昇，這是誠好的現象。本來想講欲予逐家攏提第一名，毋過比賽是誠慘忍的代誌，第一名永遠只有一个，是按怎你會提著第一名，伊無法度，這其中必有緣故。所以佇遮講寡鋩角予逐家做一个參考。演講比賽，語音佔百分之四十五，包括聲、韻、調。頭起先，發音一定愛正確，我要求正確毋是標準，遮愛分予清楚。因為咱台語佮華語有誠大的無仝，華語有一个標準佇的，無允准別人講無仝的聲音，較壓霸，毋過咱台語就是媠佇咱的語言真多元，佇無仝的所在，可能就有無仝的用詞佮發音。像「雞」，有的人講「ke」，有的人講「kue」，嘛有人講「kere」，遮無啥著、啥毋著的問題，毎一種腔口攏真好，咱就愛去尊重別人，因為方音差嘛是咱台灣一種寶貴的語文資產，尤其足濟語音攏強欲失傳去矣，所以咱就愛好好寶惜。紲落去，演講的聲調毋通自頭到尾攏固定。同學演講的時陣，恁的聲調愛配合內容作變化。歡喜的時陣，講話的速度愛較緊淡薄仔；若是悲傷、煩惱的時陣咧？你咧煩惱時，你會想講：「我欲按怎做才好？」因為你咧思考，所以你的速度會按怎？會變慢、聲調會較低，千萬毋通自頭到尾攏親像咧唸課文仝款，這愛特別注意。另外有兩个選手，像咧趕高鐵仝款，這嘛毋好。演講的時陣，你欲感動別人，就愛予人聽有你的內容。你遮爾趕，會予聽眾誠大壓力，演講的效果就會出問題，所以講話的速度愛特別注意一下。閣再來，演講的時，聲音愛響無毋著，表示你有把握、誠肯定、誠有自信。毋過你愛特別注意，今仔日因為主辦單位誠用心、天氣閣熱，所以有開冷氣，窗仔門攏關關起來，若是你閣傷大聲，按呢就會造成噪音，予人聽起來誠袂爽快。可能你平常時仔訓練攏佇教室，窗仔門攏開開。毋過「入山看山勢，入門看人意」你嘛愛注意今仔日窗仔門關牢牢，你若傷大聲，按呢就會影響你的分數，因為你是來演講，毋是來冤家相罵，無需要大細聲嚷，遮愛注意。另外演講的時陣，若是講到一个坎站，請你愛小可仔停一下，因為你講足濟物件，嘛愛留一寡時間予聽眾去思考、去吸收。毋過有一个選手定定停一下、停一下，按呢會予人4感覺你準備無夠好，所以這嘛是一種技巧，啥物時陣愛停、啥物時陣毋通停傷久，愛好好安排。評審會議的時陣，有一位教授共我講，咱現此時的台語，除了漳州腔佮泉州腔以外，這馬閣加一種「演講腔」，就是講比賽所用的腔口，毋是咱普通咧講的話，予人聽起來足袂慣勢，所以演講的時陣請你一定愛自然。嘛有人可能受著「演講」這个名詞的影響，想講『演』是欲去表演，莫怪有的人講：「演講、演講，也愛演也愛講。」其實這个『演』是演繹、推論，你愛予人了解這个題目的意思是啥物、有啥物問題、愛按怎做，這才是演講的重點，毋是佇台仔頂表演一寡佮你的題目無關係的物件。有關語音的部份著先講到遮。閣有一寡音，咱台語佮華語無仝款，像講「濁音」的我(guá)、夯(giâ)枷、囡(gín)仔、龍眼(gíng)、搝(giú)大索、五(gōo)四三；肉肉肉(bah)、目眉(bk-bâi)、萬一(bān-it)、暗眠摸(àm-bîn-bong)、麻痺(bâ-pì)；「鼻音」的鼻(phīnn)、餡(ānn)、甜(tinn)、煎茶(tsuann-tê)、阿丈(a-tiūnn)、蠓仔香(báng-á-hiunn)；「合脣音」的掩崁(am-khàm)、牛喙罨(am)、負擔(tam)、沃澹(tâm)、感心(kám-sim)、)、阿妗(kīm)、淹(im)水、阿嬸(tsím)、貴參參(som)；「入聲」的p有十盒(p)、墨汁(tsiap)、事業(sū-gip)、募集(tsp)、危急(kip)、翕(hip)相、風濕(sip)；「入聲」的t有暗殺(sat)、密密(bt-bt)、原子筆(pit)、遏(at)手把、萬一(it)、滅(bit)亡、蜜月(bt-gut)、物(bt)理；「入聲」的k有紅目(bk)墘、鴨鵤(kak)、明白(pk)、合力(hp-lk)、阿叔(tsik)、後擴(khok)、民俗(sik)、木(bk)瓜等等。閣有文白音無通烏白濫，「水滸傳」的水愛讀「suí」，毋好讀「tsuí」。有關發音的問題，麻煩指導老師愛鬥相共。紲落去，演講的內容佔百分之四十五，包括見解、結構閣詞彙。佇遮向望指導老師，咧教學生寫稿的時候陣，你寫的內容上好佮別人無相仝，因為每一年的題目干焦有三个，平均起來毎一个題目大概七、八个人會講著，若準恁寫的內容佮別人攏差不多，會予人聽起來感覺得真普通、無特色，按呢就無法度提著誠好的分數。像講今仔日有選手用感恩的心，來表達你食冰的滋味，你所表現出來的闊度就比彼的干焦會曉顧食冰的人較闊，嘛較有深度，予人感覺這个囡仔誠有孝心，予人會更加認真去聽你的演講、認同你講的內容，你的分數自然會較懸。甚至演講嘛會使發揮你家己的專長，像有一个同學，利用伊身材的特色來發揮，我個人感覺這嘛誠好，因為這種優勢，干焦你有，比賽無用實在真拍損。我嘛知影有的學生的演講稿是老師寫的，毋過徛佇台仔頂的人是你，毋是恁老師，所以請老師咧指導的時，愛考慮到學生的身份。一个國中學生，有伊的生活世界、有伊的想5法，甚至有伊家己的語言，這嘛是九年一贯課程的重點，咱做老師的人，愛徛踮學生囡仔的角度來思考，毋通蹛台仔頂講一大堆做人做事的大道理，若親像老師咧教冊仝款，按呢無合你的身份，比賽的結果就會親像激骨仔話「美國西裝—大軀；大輸」仝款。「結構」的部份，提供一寡建議予恁參考。演講愛親像寫文章仝款，愛有「虎頭、象腹、豹尾」三部分。「虎頭」就是你愛將題目講予清清楚楚，親像虎頭遮爾明顯，甚至會當針對題目，提出你佮別人無仝的看法。你拄仔開始講的時陣，愛予人瞭解，你欲講的題目是啥物，「想予清、看予明、講予清楚」才有法度提懸分。「象腹」就是講你的內容，面向愛闊。有古早，有現代；有外國，有台灣；有學校，有家庭、社會，親像象的腹肚遐爾大。另外閣愛有「豹尾」，就是講結尾愛有力，利用差不多三十秒的時間，共你的演講重點作一个整理，予聽眾會當佇短短的時間內，將你演講的內容閣共重新組織起來。「詞彙」這部分，有的選手演講當中會當講出正港台灣味的語詞，親像講「窮分」、「懶屍」、「剾洗」、「橫直」、「糖霜丸」、「綿死綿爛」，這攏真好，因為咱是來參加語文競賽，一定愛發揮語文的特色，所以咧寫稿的時，盡量加寫寡正港的台語詞彙，按呢才有法度做好語文的傳承。若是毋知會按怎轉換，會當參考教育部國語會常用詞辭典。另外一寡用詞，請逐家注意一下，像「身軀黏黏」，咱台語較無按呢講。無欲按怎講？「身軀黏麶麶(thi)」可能較合味。詞彙猶閣有「但是」這个詞欲提出來佮逐家討論。真濟選手連紲講幾若遍，聽起來礙虐礙虐(gāi-gih)。平常時仔開講無要緊，若是欲來比賽，上好有時共換做「不而過」、「毋過」、「猶毋過」，按呢才會當表現出你比別人較厲害的語文程度。另外，就是華語詞的問題，這應該是受華語教學的影響。佇遮提一寡詞來予逐家做參考，像講透明→通光；動不動→磕袂著；雙胞胎→雙生仔；相處真久→鬥陣真久；幸運→好運；慘不忍睹→悽慘落魄；三言兩語→兩三句話；禮拜天→禮拜(日)；老闆→頭家；年輕→少年；寺廟→廟寺；透明→通光；風光→奢颺(tshia-iānn)；放暑假→歇熱；運動場→運動埕；五顏六色→五花十色；瀑布→水沖(tshiâng)；反正→橫直；太陽→日頭；洗衣機→洗衫機；爭執→冤家；難道→敢講；慢慢來→沓沓仔來；記仇→抾恨；予時代淘汰→綴袂著時代；凡是→見若／變若；英雄無用武之地→勇勇馬縛佇將軍柱；一次又一次→一改閣一改；位置→所在；個性→性地；土包子→土包仔，像遮的問題，逐家毋通講出來於評審扣分。另外儀態佔十分，你上台演講愛表現出氣質、充滿自信。演講的時陣，你一定愛看聽眾，尤其是評審，這是一種基本的禮數。若是會當用面部的表情，尤其是目睭來加強你的6演講內容，按呢會予聽眾更加佮意。今仔日有兩位同學自頭到尾一直看塗跤，若足歹勢的款，按呢較毋好。猶閣有，比賽的時，手勢莫傷濟，因為你是來演講比賽，毋是來參加手語比賽。手部的動作，雖然會當加強演講的氣勢，毋過就親像咱咧煮物件仝款，加一寡味素，滋味會較好，加傷濟，恐驚你會得癌。有時看學生咧演講，足奇怪，咱台灣人講話明明毋是按呢，是按怎演講的時，就會看著足濟人佇台仔頂比手畫刀，親像是「保護三藏去取經—著猴」仝款，看起來足無自然。若欲出來佮人比，就愛歡歡喜喜。有人講「好笑神得人疼，得人疼，較好家己戇戇咧拍拚。」所以徛佇台仔頂，毋通面漚面臭，逐家是來遮結緣，毋是來遮結冤仇，無必要激一个面腔。閣有，你比的動作毋通固定，若無，看起來敢若機器人按呢會真好笑。『今仔日天比賽真正好，有講有唱人呵咾。小可仔脫棰圖免煩惱，逐家攏是台灣寶』，語文競賽上最重要的代誌，就是欲靠演講、朗讀來了解咱台灣人的語言文化特色，予咱台語會當釘根佇台灣這塊美麗的寶島，予咱祖先的文化、語言資產，會當一代一代傳承落去。向望逐家做伙拍拚，予台語會當生枝發葉，會當開花結籽。將